San Nicolò 2011
Commenti disabilitati su San Nicolò 2011 
Ogni mattina co me svegio digo, “Signor so qua” e finora non el xe gà mai stufa,spero tanto non me succeda adesso co voialtri, che signori son qua, veo digo na volta all’anno, al giorno de San Nicolò, ma no par presentarme, per ringrasiarve tutti a nome dell’associasion par l avostra grande partecipassio. Veder tanta zente qua sta sera vol dir che non xe vero che a Muran xe drio andar remengo proprio tuto, anca le so bee tradission, ma che xe sempre vivo sto atacamento e amor par sta bea isola che nonostante qualche diffetin la ne gà da sempre tanta soddisfassion e tranquillità, anche se ogni anno xe vero i ne cava un tocheto: un ano e suore, un altro i frati, un anno un piovan, sto anno mons. Pizziol e adiritura, ma par el momento el Patriarca. Speremo che ne resta almanco don Carlo, anca perché penso che vogia na bea forza par spostarlo. Ma per fortuna, che no tutti apressemo, par esser sinceri però la gavemo, mi lo ciamo el jollj, perché stropabusi me par poco riverente, là ogni volta che i nostri preti gà problemi par altri impegni el risponde sempre presente nonostante i so novanta anni che el compise giusto el giorno de san Nicolò, tanti auguri a don Rino da parte del mio gruppo, della comunità e de tutta Muran un affettuoso applaauso co tutte e nostre man.
Me pareva un sogno, mesi e mesi de preparativi, la preghiera che don Carlo ne faseva eser dopo ogni messa la gavemo parfin imparada a memoria e sabo la bea notizia: nol vien! Na volta se dizeva “scherzi da prete”, ma questo ze stà un scherzo da “Patriarca”, ma noialtri continuemo a sognar, anzi par concluder ben sta festa seremo i oci e femo finta che no sia sucesso niente. Par fortuna xè vegnio a salvarne el nostro amato Vescovo Ausiliare Beniamino che ringraziemo co tuto el cuor, ma sò sicuro che in sto momento anca el Patriarca xè qua presente col pensier, par questo Eccelenza mi me rivolgerò a Ela come che el fusse el Patriarca, ancà parché gavevo preparà el discorso una setimana prima e mi no gò adesso la bravura de Gigi Bertola de improvisar. Anca sto anno so qua par far i ringraziamenti da parte del Gruppo S.Nicolò, ma no me gera mai capità de scominsiar con na persona cussì importante! Ghe giuro, Eminensa, che sò un pocheto emosionà. Al primo momento, co la go vista, no credevo ai me oci, dopo tanto che la gavemo desiderada, finalmente gavemo l’onor de averla ala nostra festa, volevo parfin vegnirla tocar par esser sicuro de no sognar! Eminensa, nol pol gnanca imaginar quanta sodisfasion e quanta carica el ghe dà in sto momento al nostro gruppo, ormai ansian, che ogni anno xe là là par molar, e che grande onor xè par tutti i nostri maestri, serventi e artigiani che contribuise, a veder inaugurar dal Patriarca la mostra che, grasie e solo merito dele magnifiche opere che i crea i ne permete de organizar. Grazie a don Carlo per l’ospitalità, ai sacerdoti che gà partecipà ala liturgia, e done che gà netà la ciesa e gà messo i fiori, Marcato che dopo portarà el tradisional pan da benedir, tuti i presenti e da novo i maestri, serventi, artigiani e paroni che risponde sempre co generosità. Fignìa la messa ghe sarà dà a tuti i putei presenti el famoso sacheto coi bomboni de San Nicolò. Anca chi gà qualche amalà a casa vegna torghe un sacheto da portarghe, par farli sentir partecipi ala festa e che S. Nicolò se ricorda de tuti. Adesso S. Nicolò so qua da ti, vogio parlarte a tu par tu, come se qua in ciesa fussimo soli, che no ghe fusse tuta sta gente! Ti te ricordi el discorso de l’altro anno? E preghiere che te gavemo fato? O no le te xè rivae o ti xè drio trascurarne un poco perché ti gà massa lavoro, opur – e spero tanto de nò – ti xè drio perder qualche colpo come mi! No stame vegnir dir che gavemo poca pasiensa, te par che no ghe ne gavemo? No digo quanto bontà ma quanto pasiensa, basta che ti vardi quanti anni che gavemo spetà el Patriaca… par poco no rivava prima el Papa! Ti credi che schersa? Varda che el xè rivà prima par pochi mesi. Prima co te so passà vixin me xè vegnio in mente co gero puteo, quante volte co gera la to festa vegnivo romperte le scatole perché ti me portassi un zogatoleto, me ricordo fasevo la spola, prima andavo all’emporio de Mariolino Crosara e stavo là col naso petà su la vetrina par sceglierme el zogatolo, dopo corevo in ciesa a inzenociarme davanti al to altar e spiegarte quelo che me gavarìa piasso, ma me pareva domandar massa, alora, tornavo a sceglierghene uno più picolo cola speransa che te andasse ben! Lo go fato par tanti anni che mi digo gà da esserghe ancora i segni dei mii zenoceti sui scalini de l’altar! Stavolta, invese, so qua par domandarte na roba granda, ma nò par mi, par Muran: no pretendo el miracolo de veder rinaser Francheti, le Conterie o i frateli Toso, nò, me basta che ti buti un ocio ogni tanto su Muran e che ti daghi na bela supiada su le bronse de le poche fornase che xè restà, in modo che resta sempre na bela fiamma, perché el fogo xè segno de vita e fin che ghe xé vita ghe xé speransa e speremo anca la volontà de tegnir viva Muran. Un’ultima roba S. Nicolò te prego: sgorline da dosso sta benedetta crisi, fà un salto in fornasa e co una cana daghe un’altra supiada, e supia, supia tanto da farla schiopar come le brombole de vero che i fà par incantar i foresti, te prego S. Nicolò, no farlo par mi, ma falo par Muran, che te prega col cuor in man, non serve subito sta sera, basta anca doman! Grassie S. Nicolò. 
Puntuale arriva il Natale, non sbaglia giorno, non ritarda, anzi. 
San Nicolò è il patrono del lavoro che contraddistingue la nostra isola nel mondo intero. A lui ci siamo rivolti con il triduo vissuto nella settimana scorsa, devo dire con un po’ di tristezza che è stato davvero poco partecipato, perché la situazione di tante aziende non è certamente bella, e il futuro che si prospetta non è così roseo. Certo tre sere sono impegnative, certi argomenti non ci toccano direttamente, ma credo che siamo chiamati ad educarci ad una solidarietà concreta, e tale solidarietà inizia dalla preghiera comune. Trovarci a pregare non è perdere tempo o non affrontare i problemi reali del lavoro, è partire dall’affrontare un problema lasciandoci indicare la strada da Chi il lavoro c’è l’ha dato, Il Signore Dio. In una delle sere abbiamo pregato così:
Martedì celebreremo la Vergine Maria, nella sua Immacolata Concezione, e questa festa ci ricorda a quale fine siamo chiamati, cioè la pienezza della vita senza relazione con il peccato, che avremo nella vita Eterna. Il Signore Dio ci aveva creato così, ma la nostra paura di essere Amati ci ha portati a crederci autosufficienti, ma non è così, e quante volte lo proviamo. 
In questi giorni sono già apparsi le prime pubblicità natalizie. I soliti panettoni, la corsi ai regali e avanti così. Se nei primi secoli la Chiesa aveva scelto la data del 25 dicembre per liberarla dalla festa pagana del “sole Invicto” del sole nascente” per celebrare il Natale di Gesù, oggi si è tornati a consegnare ad un paganesimo reale questa festa così familiare. Con questa domenica inizia l’Avvento, tempo di attesa della venuta di Dio, inizio del nuovo anno liturgico che per noi cristiani significa soprattutto cammino in Dio. 
Themocracy